Украина “Евровидение-2017” қўшиқ танловининг логотипини тақдим этгандан кейин мазкур логотип ижтимоий тармоқлар фойдаланувчиларининг кулгисига сабаб бўлди, деб хабар берди “Ria.ru” нашри.
Ижтимоий тармоқлар “Украина Евровиденияси логотипида шинани кўриш мумкин”... “Бу ошқовоқми ё хитой фонарчасими? Ахмоқона логотип”... “Логитипдан кўра кўпроқ рогалики ширинлигига ўхшайди”... каби изоҳларга тўлиб-тошди.
Юқоридаги изоҳлар билан логотипнинг таърифи тугамади. Кимдир уни Юлия Тимошенконинг машҳур соч ўримига ҳам ўхшатди.
Умуман олганда мазкур логотип ҳеч кимга ёқмади.
Украинанинг “Биринчи миллий телеканал”и логотипга украин аёлларининг қадимий миллий мунчоғи ва тумори асос қилиб олинганини маълум қилди.
“Евровидения-2017” танловининг финали 13 май куни Киев шаҳрида ўтказилиши режалаштирилган.
