Россия президенти Владимир Путин россиялик бизнесмен Алишер Усмоновни хайрия ишларидаги фаол иштироки туфайли “Хайр-саховати учун” кўкрак нишони билан мукофотлади, деб хабар берди “Рodrobno.uz” нашри.
Россиялик бизнесменлар Алишер Усмонов, Виктор Вексельберг ва Алексей Мордашовлар “Хайр-саховати учун” кўкрак нишони билан тақдирландилар. Россия президенти имзо чеккан мазкур фармон ҳуқуқий ахборотлар интернет-порталининг расмий сайтида эълон қилинди.
Фармонда USM Holdings компанияси акционери ва асосчиси Алишер Усмонов, “Реново” КГ директорлар кенгаши раиси Виктор Вексельберг ва “Северсталь” директорлар кенгаши раиси Алексей Мордашовлар “хайрия ишлари ва ижтимоий фаолиятга қўшган ҳиссаси” учун мукофотланди.
Forbes нинг берган маълумотига кўра, Алишер Усмоновнинг бойлиги $13,5 миллиардни ташкил қилиб, россиялик миллиардерлар орасида учинчи ўринда туради.
