Нью-Йоркда янги сайланган АҚШ президенти Дональд Трампга қарши норозилик намойиши ўтказилди, деб хабар берди “Ria.ru” нашри.
Инаугурациядан бир кун илгари ўтказилган норозилик намойишида шаҳар мэри Билл де Блазио, Голливуднинг машҳур юлдузлари Роберт Де Ниро, Марк Руффало, Алекс Болдуин, режиссёр Майкл Мур ва хонанда Шерлар иштирок этишди.
Митингда сўзга чиққан Роберт Де Ниро Трампни “Мамлакатга салбий таъсир кўрсатувчи инсон”, деб атади.
Саҳнада “Биз қаршилик кўрсатишдан тўхтамаймиз, чунки биз севган ҳамма нарсалар хавф остида қолмоқда!”, деган сўзлар янгради.
Норозилик намойиши WeStandUnited ("Биз ҳаммамиз биргамиз”) шиори остида ўтказилди. Бу чақириқ ижтимоий тармоқларга ҳам кенг ёйилди.
Намойиш иштирокчилари Трампни ирқий жиҳатдан одам ажратишда, динга тоқат қилолмасликда айблаб, муҳожирларнинг ҳақ-ҳуқуқини ҳимоя қилишди. Шунингдек, иқлим ўзгаришига қарши курашда қўллаб-қувватлашни сўрашди.
