Канаданинг кичик супермаркетларидан бири кўча жиноятчилигидан азият чекмоқда, чунки унга олмахонлар ўғирликка тушмоқда, деб хабар берди “Тvzvezda.ru” нашри.
Олмахонлар эшиги очиқ турадиган супермаркетга кириб, турли товарлар турган токчанинг энг пастки қаватидан бирор ширинликни ўғирлаб қочишмоқда. Шундай ўғричалардан бирини сотувчи видеога олди.
Кадрда олмахоннинг дўконнинг очиқ эшигидан эҳтиёткорлик билан кириб, атрофни кузатгани, кейин секингина токчага яқинлашиб, шоколадли батончикни ўғирлаб, қочгани акс этган.
Оператор ўғрини қувиб етишга ҳаракат қилган, аммо олмахон қочишга муваффақ бўлган. Дўкон сотувчиси маҳаллий олмахонларнинг 40 дан ортиқ шоколадларни ўғирлаганлиги ҳақида видео тагида изоҳ қолдирган.
