Сизни хафа қилишди. Қаттиқ ранжидингиз. Кўз ёш ҳам тўкилди. Энди қарангки, ўша дилозор узр сўраб ўтирибди... Хўш, сиз кечиримли инсонмисиз? Тестимизни ишланг ва маслаҳатларимизга қулоқ тутинг.
1. Тиқилинч автобусдасиз. Йўловчилардан бири оёғингизни босиб олса...
А. «Агар у узр сўраса, мийиғида жилмайиб қўяман».
Б. «Танбеҳ бераман».
В. «Бироз сурилиб тураман».
Г. «Мен ҳам унинг оёғини босиб оламан».
2. Тақдир экан, кўнгил қўйганингиз билан айрилдингиз. Орадан бир йил ўтгач, у сизни тўйига таклиф қилса...
А. «Аҳмоқ! Бу мен учун қанчалик оғриқли эканлигини билмайдими?»
Б. «Бориб турган сурбетлик-ку бу!»
В. «У учун хурсанд бўламан...»
Г. «Кимга аза, кимга тўй, деб шуни айтишса керак-да!»
3. Янги ишга кириш учун суҳбатга бордингиз. Қарасангиз, бир пайтлари сизни қаттиқ ранжитган душманингиз — раҳбар. Қандай йўл тутасиз?
А. «У ўзини ноқулай сезмаслиги учун иложи борича вазиятни юмшатишга ҳаракат қиламан».
Б. «Бу иккимиз учун ҳам кутилмаган ва нохуш учрашув бўлади-ёв».
В. «Кулиб сўз бошлайман».
Г. «Хаёлимга «Шунақа катта одам бўлиб кетибдими?» деган фикр келиши аниқ».
4. Тасодифан эски қадрдонингиз билан кўришиб қолдингиз. Қарийб беш йилдан буён у ҳақда ҳеч қандай маълумотга эга эмасдингиз.
А. «Биринчи навбатда, шунча вақтдан бери қаерларда юрганини сўрардим».
Б. «Кўришганимдан хурсанд бўламан!»
В. «Олдингидек муносабатда бўлишим қийин».
Г. «Беш йил мен учун катта муддат. Уни бир қарашда танисам ҳам катта гап!»
5. Яқинингиз, дейлик, умр йўлдошингиз сизнинг номингизга келган мактубни ўқиса, тилингизга кўчувчи биринчи жумла?
А. «Тасодифан менинг почтамни титкиладингиз, шекилли-а?»
Б. «Тушунаман, сизнинг чўнтак кавлашдан бошқа ташвишингиз йўқ!»
В. «Бу меники-ку!»
Г. «Бу воқеадан кейин сизга қандай ишонишим мумкин?»
6. Оила аъзоларингиздан бири жуда кўп пул сарфлаётганингиздан аччиқланса...
А. Хушмуомалалик билан ўзингизга яраша истак-хоҳишларингиз, чиқимларингиз борлигини тушунтирасиз.
Б. Асабийлашасиз.
В. Нимага, қаерга, қанча — ҳисобот беришга эринмайсиз.
Г. Уни тушунишга ҳаракат қиласиз.
7. Нимани кечиришингиз қийин?
А. «Кимдир менинг тақдиримни ҳал қилмоқчи бўлганини».
Б. «Ва ниҳоят, мавзуга оид савол бердингиз! Яхшилаб ўйлаб олай!»
В. «Бировнинг айби учун мени жазолашганини унутолмайман».
Г. «Кучли асабий ҳолатга сабабчи бўлганларнинг узрини қабул қилолмасам керак».
8. Қачонлардир кўнглингизни оғритган киши сиздан узр сўраса...
А. «Жаҳлим ёмонам чиқади-ки».
Б. «Зарда қиламан».
В. «Тушунишга ҳаракат қиламан. Ўзим ҳам кимгадир озор етказган бўлишим мумкин-ку ахир!»
Г. «Унинг ҳолати ҳис қилиб, қийналаман».
9. Сиз билан муносабатлари совуқлашган инсоннинг бошига ташвиш тушса, хаёлингизга қандай фикр келади?
А. «Ёмонлик жазосиз қолмайди, деганлари шу-да!»
Б. «Яхши иш бўлмапти».
В. «У билан нималар содир бўлишининг менга умуман қизиғи йўқ».
Г. «Қайтар дунё, нима ҳам дердим?!»
10. Қалбингизга озор етказганларга қарата нима дейсиз?
А. «Менинг куним бошингизга тушгандагина, қанчалик дилимни оғритганингизни тушунасиз».
Б. «Умид қиламанки, бу хатони иккинчи такрорламайсиз».
В. «Бир кун афсусланасиз ҳали...»
Г. «Кўришга кўзим йўқ!»
Жавобларни ҳисобланг
|
№ |
А |
Б |
В |
Г |
|
1 |
4 |
2 |
3 |
1 |
|
2 |
1 |
2 |
3 |
4 |
|
3 |
3 |
1 |
2 |
4 |
|
4 |
2 |
3 |
1 |
4 |
|
5 |
4 |
3 |
2 |
1 |
|
6 |
2 |
1 |
4 |
3 |
|
7 |
3 |
2 |
1 |
4 |
|
8 |
1 |
4 |
2 |
3 |
|
9 |
4 |
3 |
2 |
1 |
|
10 |
1 |
2 |
3 |
4 |
Натижа
10-17 балл: «Кечириш?! Ҳеч қачон!»
Сиз учун кимнидир авф этиш жуда мушкул масала. Ёлвориб узр сўрашса-да, кечиришингиз амримаҳол. Тўғри, жаҳлингиз чиққанда асабларингизни жиловлаб, одобли киши қиёфасига кирасиз. Аммо бу билан бор ғазабни ичга ютасиз ва иккинчи шу одам билан дуч келмасликни истайсиз. Аммо бу ҳаёт, у тасодифларга бой.
Масалаҳат: сизни ранжитишдими, яхши сўз билан хафагарчилик сабабларини тушунтиринг. Шунда вақтида муаммодан халос бўласиз ва бор аламни ичингизга ютиб, асраб юрмайсиз. Дилингизга озор берган киши билан алоқаларни кўзни чирт юмиб узиб кетаверсангиз, бутунлай ёлғизланиб қолишингиз хавфи бор, ахир.
18-24 балл: қадамма-қадам
Дилозорликдан аввалига руҳан қийналасиз. «Нега?» «Наҳот?» каби саволлар ичида қоласиз. Кейин яраларни даволашга киришасиз. Бу йўлда дилозорга бор аламингизни тўкиб солишишингиз ҳам ҳеч гапмас. Шу босқичдан ўтгачгина, хафагарчиликка сабаб бўлган воқеани хотирангиздан ўчириб ташлаб, муносабатларда янги саҳифа очасиз.
Маслаҳат: шу тарзда давом этинг. Ахир бу тактика сабаб сиз жафокашга нисбатан кўнглингизда гина сақламайсиз ва уни айблашга куч сарфламайсиз. Фақат ҳаммасига ойдинлик киритиш босқичида ҳиссиётга ҳаддан зиёд берилмасангиз, бас.
25-31 баллгача: «Мен сизни кечирдим!»
Худдики қўнғироқ қилишганида, гўшакни кўтариш лозимлиги каби узр сўрашса, кечириш керак! Ҳа, сиз учун бу қийинчилик туғдирмайди. Муносабатлардаги катта ва кичик тушунмовчиликлар сизни осонликча четлаб ўтади: ўч олиш, жаҳл қилиш хаёлингизга ҳам келмайди. Аксинча, дилозорингиз учун ўнлаб сабаб топасиз ва ҳатто ҳамма айбни ўз гарданингизга оласиз. Кечиримлилигингиз — ҳимоя воситангиз. Чунки йўқотишларга йўқ одамсиз. Бунинг устига ер юзида пасткаш одамлар йўқлигига ишонгингиз келади.
Маслаҳат: инсон кечиримли бўлиши керак, албатта! Аммо сизнинг кўнгли бўшлигингиздан ҳадеб фойдаланаверишларига йўл қўйманг. Айниқса, туйғулар ҳақида гап кетганда.
32-40 баллгача: «Кечирмасдан иложим қанча?»
Бир қарашда, кечиргандексиз... аммо сўз ва амаллар орасида чегара қургансиз. Қандай дейсизми? Одоб юзасидан кечирасиз, чунки бу сизга болаликдан тарбия, жамиятда қабул қилинган меъёрлар таъсирида сингдирилган. Тўғри йўл тутиш борасида бошқаларга ўрнак бўла оласиз, бироқ ҳаракатларингизда номутаносиблик бор: ич-ичингиздан сизни хафа қилган исоннинг танобини тортиб қўйишни истайсиз.
Маслаҳат: аслида нималарни ҳис қилаяпсиз? Шунга ойдинлик киритинг. Кўнглингиздан кечаётганларни сизни хафа қилган кишига айта олмасангиз, кундалигингизга ёзинг. Унутманг, ҳеч ким билан мажбуран муносабат қуролмайсиз. Ўртадаги жарликнинг катта-кичиклигига қараб, бир қарорга келинг.
Шоира ВАФОЕВА тайёрлади.
