Тошкент шаҳрининг Сергели туманида метрополитеннинг “Олмазор" бекатидан Спутник мавзесигача бўлган ер усти метросини қуриш ишлари давом этмоқда. Бу ҳақда “Uz24” хабар бермоқда.
Узунлиги 8 километрдан ортиқ масофани ташкил этувчи иншоот шаҳримизнинг "Чоштепа" маҳалласи оралиғидан ўтади. "Сергели" йўналиши метронинг "Олмазор"бекатидан уланади ва яна 6 та бекат қурилиши режалаштирилган.
Янги йўлнинг сўнгги бекати Спутник мавзесидаги Марғиб кўчаси бўлади. Қурилиш жараёнида узунлиги 26 метрни ташкил этувчи кўплаб балкалар ўрнатилади. Лойиҳа қиймати 170,1 млн долларга тенг, у 4 йилга мўлжалланган. Бекатларда эскалаторлар, кутиш майдончаси ўрнатилади, амалиётга сўнгги русумдаги технологиялар жорий этилади.
Айни вақтда қурилиш ишлари Сергели-5 масзесининг Мирзо Турсунзода кўчасида олиб борилмоқда.
