Бугун, 7 апрель куни Эроннинг Харг оролида бир нечта портлашлар юз берди. “Mehr” ахборот агентлигига кўра, оролга бир неча бор ҳужум қилинган ва портлаш овозлари эшитилган.
Харг ороли Эрон нефть экспортининг асосий маркази бўлиб, мамлакатдан чиқариладиган нефтьнинг қарийб 90 фоизи шу ер орқали жаҳон бозорига йўналтирилади. Стратегик аҳамиятга эга мазкур ҳудуд Форс кўрфазининг шимолида жойлашган.
Аввалроқ АҚШ Президенти Дональд Трамп оролдаги ҳарбий объектларга зарба берилганини билдирган ва зарур ҳолатда нефть инфратузилмасига ҳам зарба берилиши мумкинлигини истисно этмаган эди.
Эрон томони эса бундай ҳаракатларга жавобан минтақадаги АҚШ ва унинг иттифоқчиларига тегишли нефть-газ объектлари нишонга олиниши мумкинлигини маълум қилган.
