Зеленскийга кўра, агар Россия Украина энергетика тизимига ҳужумларни тўхтатса, Киев ҳам худди шундай жавоб қайтаради. У шунингдек, Россия нефть нархларининг ошишидан тушаётган даромадни урушга сарфлаётганини айтди ва экспорт имкониятларини чеклаш муҳимлигини таъкидлади.
Аввалроқ Украина Пасха муносабати билан сулҳ таклиф қилган, аммо Москва буни рад этган. Зеленский бу қарорни танқид қилиб, Россия учун “муқаддас нарса йўқ”лигини билдирди.
Эслатиб ўтиш жоиз, 2026 йил қишида Дональд Трамп илтимосига биноан Россия қисқа муддатга Украина энергетика объектларига зарба беришни тўхтатган эди.
