Чилонзор туманидаги “Бешқўрғон” бозори ёнғин хавфсизлиги қоидалари қўпол бузилгани сабаб вақтинча фаолиятини тўхтатди. Текширувда ёнғин ўчириш тизими ишламагани аниқланган.
Фавқулодда вазиятлар вазирлиги маълумотига кўра, 5 апрель куни бозорда содир бўлган ёнғин қарийб 2,5 соатда ўчирилган. Ҳодисада жабрланганлар йўқ, бироқ катта ҳудуд зарар кўрган.
Текширув давомида бозор ва ёқилғи қуйиш шохобчасида бир қатор жиддий камчиликлар, жумладан носоз ёнғин ўчириш тизими аниқланган. Камчиликлар бартараф этилгунча мажмуа фаолияти тўхтатилди.






