Давлат хавфсизлик хизмати ва Божхона қўмитаси ходимлари томонидан ўтказилган тезкор тадбирда Тошкент шаҳрида фаолият юритувчи икки МЧЖ ижарага олган омборлар кўздан кечирилди.
Натижада бошқа товарлар ниқоби остида олиб кирилган, акциз маркаси бўлмаган жами 29 турдаги 1 миллион 963 мингдан ортиқ қути тамаки маҳсулотлари, шунингдек 807 килограмм озиқ-овқат маҳсулотлари аниқланиб, процессуал тартибда расмийлаштириб олинди.
Мутахассислар хулосасига кўра, ушбу маҳсулотларнинг умумий қиймати 33,5 миллиард сўмни ташкил этади.
Ҳолат юзасидан жиноят иши қўзғатилган бўлиб, айни пайтда тергов ҳаракатлари олиб борилмоқда.
