Қозоғистон Президенти Қасим-Жомарт Тоқаев маълум қилишича, эндиликда 15 март – Конституция куни сифатида нишонланади. У ёшларга мўлжалланган янгиланган Асосий қонунда волонтёрлик, фан, инновациялар ва сунъий интеллект каби муҳим тушунчалар киритилганини таъкидлади.
Тоқаев шунингдек, республика референдумида фуқароларнинг янги Конституцияни қўллаб-қувватлаганини эътироф этди ва бу тарихи воқеа бўлганини таъкидлади. “Халқимиз овоз бериш орқали мамлакат тақдири ва келгуси йўлини белгилади. Бу – умумий ютуғимиз”, — деди Президент.
Эслатиб ўтамиз, янги таҳрирдаги Конституция 86,7 фоиз овоз билан тасдиқланган ва ундан сўнг Қозоғистоннинг яқин қўшниси Ўзбекистон Президенти Шавкат Мирзиёев ҳам телефон орқали Тоқаевни самимий табриклаган эди.
