Польша полицияси маълумотига кўра, 2025 йилда республиканинг фуқаролари учун рекорд миқдорда 50 700 та қуролга рухсатнома берилди. Бу эса умумий қонуний эгалик қилинган қуроллар сонини биринчи марта 1 миллиондан ошишига олиб келди.
Ўтган йил охирига келиб, фаол рухсатномалар сони 411 769 тага етган, бу 2015 йилдагидан қарийб икки баравар кўп. Энг кўп аризалар коллектор қуроллари учун (21 071 та) ва спорт мақсадларида (17 601 та) берилган, шахсий ҳимоя учун эса 7 254 та рухсатнома берилган.
Танқидчилар ҳозирги рухсатнома тизимида ваколатлар жамланиб қолганини ва аниқроқ текширувлар олиб бориш кераклигини таъкидламоқда. Польша қонунлари бўйича алкоголь таъсирида қурол олиб юриш ёки унга эгалик қилиш қатъиян тақиқланган.
Ҳар 100 польшаликка тахминан 2,5 та қурол тўғри келади, бу Европа Иттифоқидаги энг паст кўрсаткич ҳисобланади. Солиштириш учун, Финляндияда ҳар 100 кишига 32,4 та қурол тўғри келади.
