Сўнгги 8 йилда мамлакатда 120 млн квадрат метр ёки 600 мингдан зиёд хонадон қурилди, 541 минг фуқарога 103 трлн сўм ипотека кредитлари ажратилди.
Президент 2040 йилгача аҳолининг бир киши бошига турар жой майдонини 23 квадрат метрга етказиш мақсадида йилига уй-жой қурилиш ҳажмини 280 минггача ошириш, реновация улушини 60 фоизга етказиш ва “Янги Ўзбекистон” массивларини кенгайтиришни топширди.
Шунингдек, ер ресурсларидан самарали фойдаланиш, қурилишга тайёр ер механизми, рақамли технологиялар ва ахборот тизимларини жорий этиш орқали соҳада шаффофлик ва самарадорликни ошириш зарурлиги қайд этилди.
