АҚШ ҳудудида ноқонуний бўлиб турган шахсларни депортация қилиш мақсадида ушбу давлатнинг ваколатли идоралари томонидан яна бир чартер рейси 21 январь куни амалга оширилди. Бу ҳақда ТИВ матбуот котиби хабар қилди.
Қайд этилишича, ушбу рейсда 44 нафар Ўзбекистон фуқаролари ватанга қайтарилди. Чартер рейси АҚШнинг тегишли ҳукумат идоралари билан ҳамкорликда ташкиллаштирилди.
Рейснинг амалга оширилиши орқали Ўзбекистон фуқароларининг мамлакатга хавфсиз ва ўз вақтида қайтарилиши таъминлангани қўшимча қилинди.
“Мазкур тадбир Ўзбекистон ва АҚШ ўртасидаги ҳамкорликнинг яна бир муҳим намунасидир. Юртимиз фуқароларининг ўзга давлатларда хавфсизлигини таъминлаш, уларнинг қонуний ҳуқуқларини ҳимоя қилиш ва уларни Ватанига қайтариш борасидаги ҳамкорлик давом этмоқда”, дейилади хабарда.
