АҚШ Давлат департаменти 75 та мамлакат фуқароларига нисбатан виза бериш жараёнларини вақтинча тўхтатишга қарор қилди. Маълум бўлишича, мазкур чекловлар жорий этиладиган давлатлар қаторига Ўзбекистон ҳам киритилган.
Қайд этилишича, чеклов давлат бюджетига юк бўлиши мумкин бўлган аризачилар билан боғлиқ хавфларни камайтириш мақсадида жорий этилмоқда. Рўйхатга Афғонистон, Арманистон, Озарбайжон, Беларус, Қозоғистон, Қирғизистон, Россия, Эрон, Покистон, Туркия эмас, балки қатор Осиё, Африка, Лотин Америкаси ва Кариб ҳавзаси давлатлари ҳам киритилган.
Маълумотларга кўра, виза аризаларини кўриб чиқиш 21 январдан бошлаб тўхтатилади. Давлат департаменти виза бериш тартибини қайта кўриб чиқаётгани сабабли ушбу танаффус “ноаниқ муддатга” давом этиши айтилмоқда.
Расмийлар чеклов доимий эмаслигини, қарорлар ички текширувлар ва янги талаблар асосида қайта кўриб чиқилишини билдирган.
