Тошкент шаҳар Ички ишлар бош бошқармаси маълум қилишича, 6 январь куни соат 18:50 ларда Учтепа тумани Лутфий кўчасидаги туннелда номаълум эркак 1996 йилда туғилган аёлга нисбатан уятсиз, бузуқ ҳаракатлар қилиб, воқеа жойидан қочиб кетган.
Ҳолат юзасидан ўтказилган тезкор-қидирув тадбирлари натижасида гумонланувчи 1993 йилда туғилган В. Андрей экани аниқланиб, ички ишлар органлари ходимлари томонидан ушланган. Ҳозирда Учтепа тумани ИИО ФМБ томонидан терговга қадар текширув ишлари олиб борилмоқда.
ИИББ ушбу шахснинг ножўя хатти-ҳаракатларидан жабр кўрган фуқароларни 102 қисқа рақами ёки 71-231-95-20 телефони орқали мурожаат қилишга чақирди.
