Таълим, соғлиқни сақлаш ва суд-ҳуқуқ соҳаларидаги ислоҳотлар натижаси вақт талаб қилади.
Бу йўналишлардаги лойиҳалар доимий назоратда эканини таъкидлаган Президент администрацияси раҳбари Саида Мирзиёева, қисқа муддатда сезиларли ўзгаришга эришилган соҳалардан бири экология бўлганини қайд этди.
Унинг сўзларига кўра, бизнес ва жамиятга экологиянинг аҳамиятини тушунтиришга эришилган. «Экология — бу фақат жарима ёки назорат эмас, аввало маданият. Тушунтириш ва талабни тўғри етказиш жуда муҳим», — дейди у.
Саида Мирзиёева экологик масъулият фақат корхоналарга эмас, балки ҳар бир фуқарога тегишли эканини таъкидлаб, табиатни асрашни кундалик одат ва маданиятга айлантириш зарурлигини билдирди.
