Вилоят Йўл ҳаракати хавфсизлиги бошқармаси маълум қилишича, 2 январь кунидан бошлаб тоғли ҳудудларда ҳаракат хавфсизлигини таъминлаш, йўл-транспорт ҳодисалари ва тирбандликларнинг олдини олиш мақсадида мазкур йўналишларда транспорт ҳаракати бир томонлама йўлга қўйилган.
Хусусан, 4R6 Тошкент–Чирчиқ–Чимён автомобиль йўлининг 57-километридан 92-километригача бўлган қисмида, яъни 4R10 автомобиль йўли билан туташ жойгача ҳаракат бир томонлама ташкил этилмоқда.
Бўстонлиқ тумани ҳокимининг тегишли фармойишига мувофиқ, ушбу йўлларда ҳайдовчилар учун тақиқловчи, буюрувчи ҳамда ахборот берувчи йўл белгилари ўрнатилган. ЙҲХБ барча ҳаракат иштирокчиларини йўл белгилар ва ЙПХ инспекторлари кўрсатмаларига қатъий амал қилишга чақирди.
