Саммит Каспий денгизи бўйида жойлашган Туркманбоши шаҳридаги Аваза миллий сайёҳлик зонасида ташкил этилади. Бу ҳақда Туркманистон Халқ Маслаҳати раиси Гурбангули Бердимуҳамедов Россия Федерация Кенгаши раиси Валентина Матвиенко билан телефон орқали суҳбат чоғида маълум қилди.
Қайд этилишича, Аваза ҳудуди йирик халқаро форумларни ўтказиш учун барча зарур инфратузилмага эга. Шунингдек, 2026 йилдан МДҲга раислик қилувчи давлат сифатида Туркманистон Парламентлараро Ассамблея ва демографик масалалар бўйича тадбирларга ҳам тайёргарлик кўрмоқда.
Эслатиб ўтамиз, МДҲ Давлат раҳбарларининг аввалги саммити 2025 йил 10 октябрь куни Душанбе шаҳрида бўлиб ўтган эди.
