Қирғизистон президенти Садир Жапаров терговгача ҳибсда сақлаш шароитлари ҳақидаги шикоятларга жавобан тергов ҳибсхонаси “курорт эмас” эканлигини эслатди, дея ёзмоқда "zamon.uz".
“Мен ўзим икки йилни судгача ҳибсда ўтказдим: биринчи марта тўққиз ой, иккинчи марта уч ярим йил. Шикоят қилдимми? Йўқ, мен бунга чидадим, чунки бу судгача ҳибсхона эди”, — деди Жапаров.
Президент шунингдек, жазони ижро этиш тизимидаги яхшиланишларни қайд этди. “Илгари одамлар қамоқхонада коррупцияга берилиб кетишарди, аммо энди шароитлар яхшиланди. Маҳбуслар кунига уч марта бепул овқат, кийим-кечак ва ёз ҳамда қиш учун бир хил форма билан таъминланади. Улар ишлайди ва баъзилари ҳатто уйларига пул жўнатади”, — дея қўшимча қилди Жапаров.
Садир Жапаров икки марта судгача ҳибсда сақланганини эслатиб, асосий жиноий иш 2013 йилда Иссиқкўл вилоятида бўлиб ўтган воқеалар билан боғлиқлигини, 2020 йилда оммавий норозилик намойишлари пайтида озод қилинишини ва 2021 йилда Қирғизистон президенти этиб сайланганини маълум қилди.
