Хабарга кўра, Янгиҳаёт туманида 24 ёшли йигит пиротехника воситалари портлаши оқибатида оғир тан жароҳатлари олган. ИИО маълумотларига кўра, йигитнинг қўл панжаси жиддий шикастланган ва бармоқларининг бир қисми ампутация қилинган.
Беморнинг онасининг сўзларига кўра, у уй ишлари билан машғул бўлиб турган бир пайтда гумбурлаш овозини эшитиб қолган ва ташқарига югуриб чиққан.
“Борсам, ўғлим ўзи чиқиб келаётган экан қўлини ушлаб. Кўрганимда қўли қон эди, юзи ҳам қонаб турганди. Ўзим қўрқиб кетдим. Ҳозир ҳолати яхши, қўлидан бошқа жойига жароҳат етмаган”, деган беморнинг онаси.
Шифокорнинг сўзларига кўра, оғир жароҳатлар сабаб йигитнинг кафт қисми олиб ташланган.
