АҚШ Президенти Дональд Трамп Truth Соcиалъдаги саҳифасида Нигериядаги ИШИД позицияларига “кучли ва ҳалокатли” зарба берилганини маълум қилди. Унинг таъкидлашича, ҳужум террорчилар томонидан насронийларга қарши зўравонликлар тўхтатилмагани сабаб амалга оширилган.
ОАВ америкалик расмийларга таяниб хабар беришича, ҳарбий амалиёт Нигерия ҳукумати билан келишилган ҳолда ўтказилган. Трамп АҚШ унинг раҳбарлиги остида “радикал исломий терроризмга йўл қўймаслигини” қайд этган.
Маълумот учун, Нигерияда сўнгги йилларда диний зиддиятлар кучайиб, оммавий қотилликлар қайд этилган. Мамлакат расмийлари эса Нигерияни диний бағрикенгликсиз давлат сифатида талқин қилишни рад этиб, зўравон экстремизмга қарши кураш давом этишини билдирган.
