Маълум қилинишича, ажратилган маблағлар тўлиқ АТ “Халқ банки”га молиялаштирилган. Шундан 549,6 мингта оилага 302,4 млрд сўм болалар нафақаси, 23,9 мингта оилага эса 10,2 млрд сўм моддий ёрдам маблағлари йўналтирилган.
Тўловлар кам таъминланган оила сифатида нафақа олувчи 559,6 мингта оилага, яъни олувчиларнинг 97,6 фоизига банк карталари орқали амалга оширилади. Қонунчиликка мувофиқ, нафақани нақд шаклда олувчи оилаларга эса жорий ой тўловлари Халқ банкининг сайёр кассалари орқали ойнинг 27-санасига қадар етказиб берилади.
Шунингдек, жорий йилнинг декабрь ойида яна 39,6 мингта янги кам таъминланган оила “Ижтимоий ҳимоя ягона реестри” ахборот тизимига киритилгани маълум қилинди.
