Белгияда яшовчи 15 ёшли Лоран Симонс иккинчи докторлик даражасини қўлга киритди. У биринчи диссертациясини 12 ёшида ҳимоя қилган. Ҳозирда Лоран Мюнхендаги Гелмголтс марказида учинчи илмий даражаси устида ишламоқда, у тиббиёт ва сунъий интеллект уйғунлигини ўрганмоқда.
Лораннинг охирги диссертацияси назарий квант физикасига бағишланган, аввал эса экспериментал физика бўйича ҳимоя қилган. Фотографик хотира ва мураккаб ҳодисалар ўртасидаги боғлиқликларни тезда аниқлаш қобилияти унга катта ёрдам беради.
Ота-онаси сўзларига кўра, Лоран эрта ёшдан ғайриоддий қобилиятларини намоён қилган: 4 ёшида мактаб, 6 ёшида гимназияга кирган, 9 ёшида университетга қабул қилинган ва 12 ёшида Макс Планк институти тарихидаги энг ёш докторант бўлган.
Шунингдек, у Рим папаси билан учрашган, Нобел мукофоти совриндорлари билан мулоқот қилган ва дунёнинг етакчи илмий марказларида нутқ сўзлаган. Лоран, шунингдек, картингда учиш, дўстлари билан кинога бориш ва видеоўйинлар ўйнашни ҳам яхши кўради.
