Қўшни давлатдаги техник носозлик оқибатида Ўзбекистонга импорт қилинаётган газ миқдори қисқарди. Шу боис аҳоли хонадонлари ва ижтимоий соҳа обектларини барқарор газ билан таъминлаш устувор вазифага айлантирилди.
Маҳаллий ҳокимликлар билан келишилган режа-графикка мувофиқ, метан заправкалар фаолиятига вақтинча чекловлар жорий этилди. Бу — уй хўжаликларида ва мактаб, боғча, шифохона каби муҳим обектларда газ босими пасайишининг олдини олиш учун амалга оширилган чорадир.
Вазирлик газ босимини меъёрга келтириш бўйича ишлар олиб борилаётганини, чекловлар эса вақтинчалик эканини маълум қилди. Ҳолат юзасидан қўшимча ахборот тақдим этилади.
