Ғазода сулҳ эълон қилинган бўлса-да, болалар орасидаги очарчилик давом этмоқда. UNICEFнинг хабар беришича, октябрь ойидан буён 9300 нафар бола ўткир тўйиб овқатланмаслик сабаб шифохоналарга ётқизилган.
Ташкилот вакили Тесс Инграмнинг айтишича, бу рақамлар ҳали ҳам ҳайратланарли даражада юқори ва ёрдам оқими кескин етишмаяпти.
UNICEF Ғазога гуманитар юк кириши бироз енгиллашганини тасдиқлаган бўлса-да, чекловлар сақланиб қолмоқда: юк машиналарининг чегарада ушлаб турилиши, йўлакларнинг ёпилиши ва хавфсизлик билан боғлиқ муаммолар ёрдам кўламини қисқартирмоқда.
Ҳудудда ticaratb маҳсулотлари ҳам деярли йўқлиги айтилмоқда. Масалан, гўштнинг 1 килограмми 20 доллардан ошгани боис кўп оила учун уни харид қилиш имконсиз бўлиб қолган.
БМТ аввалроқ ярим миллионга яқин инсон очарчилик шароитида яшаётгани, уруш давом этар экан, болаларнинг соғлиғига етадиган зарар узоқ муддатли бўлиши мумкинлиги ҳақида огоҳлантирган эди.
