Хитойнинг Чжэцзян провинциясидаги Ханчжоу сафари паркида намойиш вақтида қора айиқ ўргатувчига кутилмаганда ҳужум қилган. Ҳодиса тасвирлари интернетда тез тарқалди.
Маълумотларга кўра, саҳнада икки айиқ ва икки ходим бўлган. Намойиш тугагач, айиқ бир ходимга сакраб, уни ерга йиқитган.
Бошқа ходимлар стул ва таёқлардан фойдаланган, аммо айиқ яна ҳужум қилган.
Парк маъмурияти баёнотига кўра, на ўргатувчи, на айиқ жиддий жароҳат олмаган. Ҳодиса сабаб айиқнинг намойишдаги иштироки вақтинча тўхтатилган.
