Америкалик машҳур қўшиқчи ва актриса Милей Сайрус The Regrets гуруҳининг собиқ аъзоси Макс Морандо билан турмуш қураётганини тасдиқлади. Бу ҳақда юлдуз ўз вакиллари орқали маълум қилди.
Яқинда улар режиссёр Жеймс Камероннинг “Аватар: олов ва кул” филми тақдимотида бирга кўриниш берган, мухлислар эса Милей қўлидаги никоҳ узугини пайқаб, шубҳаларни кучайтирганди.
Агар никоҳ расман қайд қилинса, бу Милей учун иккинчи турмуш бўлади. У аввал австралиялик актёр Лиам Ҳемсворт билан турмуш қурган, аммо улар оғир ажрашувдан сўнг йўлларини ажратган.
Хонанданинг дунё бўйлаб машҳур бўлган Flowers (“Гуллар”) қўшиғи айнан Ҳемсворт билан муносабатларидан илҳомланган эди.
