Теннисчи Камилла Рахимова Ўзбекистон фуқаролигини олиб, энди расман мамлакат номидан халқаро турнираларда иштирок этади. Бу ҳақда Теннис федерациясининг матбуот хизмати маълум қилмоқда.
Сўнгги йилларда 24 ёшли Камилла Рахимова дунё теннисининг энг барқарор ва профессионал равишда ривожланаётган ўйинчиларидан бирига айланган.
Унинг ютуқлари орасида — яккаликада энг юқори рейтинг: дунё 60-ўрни (2024 йил 30 декабрь), жупликда энг юқори рейтинг: дунё 51-ўрни (2025 йил 25 август), жупликда 3 WTA турнир ғолиблиги, яккаликда WTA 125 турнирда ғалаба, шунингдек, жуфтликда яна бир неча ғалабалар мавжуд.
Ҳозирги мавсумда Камилла Рахимова юқори натижалар кўрсатишда давом этмоқда: охирги ютуқлари орасида — 2025 йил августида Синсиннатидеги нуфузли WTA 1000 турнирда жупликда чоряк финалга чиқиши.
2025 йил 28 ноябрдаги рейтинг янгиланишига кўра, спортчи яккаликада WTA рейтингида 109-ўрнини эгаллайди.
“Камилла Раҳимованинг Ўзбекистон терма жамоасига қўшилиши тарихий воқеа. У ўзини кучли ва рақобатбардош теннисчи сифатида кўрсатган, дунёнинг энг яхши ўйинчилари билан тенгма-тенг ўйнай олади. Биз Камиллани терма жамоа таркибида кўрганимиздан мамнунмиз ва олдинда — ёрқин ғалабалар, катта йўл ва янги рекордлар борлигига ишонамиз”, — деди Ўзбекистон Теннис Федерацияси бош котиби Сардор Камилов.
