Тошкентнинг Шайхонтоҳур туманидаги икки қаватли дўконда чиққан ёнғин қисқа фурсатда ўчирилди, тан жароҳати олганлар йўқ.
Пойтахт ФВБ хабарига кўра, 26 ноябрь куни соат 14:54 да Истироҳат кўчасида жойлашган икки қаватли бинода ёнғин юзага келгани ҳақида 112 тизимига хабар берилган.
Ҳодиса жойига 4 та ёнғин-қутқарув бўлинмаси етиб бориб, олов 15:09 да назоратга олинган ва 15:15 да тўлиқ ўчирилди.
Дастлабки маълумотларга кўра, ёнғин оқибатида тахминан 100 квадрат метр майдон зарарланган. Ёнғин-қутқарувчиларнинг тезкор ҳаракатлари сабаб оловнинг кенгайишига йўл қўйилмаган. Сабаблар ва етказилган зарар миқдори аниқланмоқда. Ҳодисада жабрланганлар қайд этилмаган.
