Рюттенинг айтишича, Женевадаги музокаралардан кейин қўшимча учрашувлар ўтказилиши, шунингдек, айрим масалалар бўйича Европа Иттифоқи ва НАТО билан алоҳида муҳокамалар зарур бўлади.
У таклиф этилаётган тинчлик режаси Россиянинг Европа хавфсизлиги учун узоқ муддатли таҳдид сифатидаги баҳосини ўзгартирмаслигини ҳам таъкидлади.
Маълумот учун, 2022 йил февралида бошланган Россия—Украина уруши ҳануз давом этмоқда. Можаро Европа хавфсизлик тизимига, глобал энергия бозорларига ва халқаро сиёсий муносабатларга катта таъсир кўрсатган. НАТО сўнгги йилларда Украина учун ҳарбий ва иқтисодий ёрдамни кенгайтирган.
