ДХХ, ИИВ ва Департамент ходимлари ўтказган тезкор тадбирлар натижасида жами 9 минг АҚШ доллари миқдорида пора олиш пайтида айбланувчилар қўлга олинди.
Биринчи ҳолатда Тошкент вилояти ҳокимлиги бош мутахассиси, хусусий нотариус ёрдамчиси, риэлтор ва яна бир шахс тадбиркорлик фаолияти билан шуғулланмоқчи бўлган фуқаронинг ишончига киргани айтилмоқда.
Улар Чирчиқ шаҳридаги МЧЖга тегишли 8,5 гектар ер майдонини 6,8 млн долларга сотиб бериш ва зарур рухсатномаларни олиб бериш баҳонасида 500 минг доллар пора талаб қилган.
Ушбу сумма ҳисобидан 160 минг долларни қабул қилиб олган вақтда улар ашёвий далиллар билан ушланган. Уларнинг иши Жиноят кодексининг 168 ва 211-моддалари бўйича тергов қилинмоқда.
Иккинчи ҳолатда Яшнобод тумани ҳокимлиги бош юрисконсульти суднинг тадбиркор фойдасига чиқарган қароридан шикоят бермаслик эвазига 5 минг доллар талаб қилган.
Тезкор тадбир пайтида у 4 минг долларни қабул қилиб олган вақтида ушланган. Айбланувчига Жиноят кодексининг 210-моддаси 2-қисми билан жиноят иши қўзғатилиб, қамоқ эҳтиёт чораси қўлланган.
