4 ноябрь куни бўлиб ўтган сайловларда ғалаба қозонган Зоҳран Мамдани — Нью-Йорк тарихидаги биринчи мусулмон мэр сифатида тарихга кирди. У 5 ноябрь куни қилган ғалаба нутқида Нью-Йоркнинг кўп миллатли жамиятини алоҳида эътироф этди.
“Нью-Йорк, бу тун сен ўзгариш учун мандат бердинг — янги турдаги сиёсат учун, қўлимиз етган шаҳар учун мандат бердинг”, — деди Мамдани.
У нутқида яманлик бодега (кичик дўкон) эгаларига, сенегаллик такси ҳайдовчиларига, тринидадлик ошпаз ёрдамчиларига, эфиопиялик холаларга ва ўзбек ҳамшираларига миннатдорлик билдирди.
“Яхшироқ келажак ҳақидаги ваъда энди ўтмиш қолдиғи эмаслигини тан олган янги авлод нью-йоркликларига раҳмат. Сиёсат сиз билан самимий сўзлашганда, раҳбарликнинг янги даври бошланишини исботладингиз”, — деди Мамдани.
Маълумот учун, у сайловда республикачи Кёртис Слива ва мустақил номзод — Нью-Йорк собиқ губернатори Эндрю Куомони ортда қолдирди.
