Бугун, 3 ноябрга ўтар кечаси Афғонистоннинг шимолий ҳудудларида содир бўлган 6,8 магнитудали зилзила оқибатида камида 8 киши ҳалок бўлди, яна 150 га яқин одам тан жароҳати олди.
“Толибон” муваққат ҳукумати вакиллари қурбонлар ҳақида маълумотни тасдиқлаган. Зилзила Мазори-Шарифдаги машҳур Мовий масжидга ҳам жиддий зарар етказган. АҚШ Геологик хизмати дастлабки ҳисоб-китобларга кўра, ҳалок бўлганлар сони ошиши мумкинлигини билдирди.
Зилзила тўлқинлари Тожикистон, Ўзбекистон ва Туркманистонда ҳам сезилди. Ўзбекистоннинг Сурхондарё вилоятида ер силкиниши 5 балл куч билан қайд этилган. Ҳудудда биноларга зарар етгани ҳақида ҳозирча расмий маълумот берилмаган.
