Қирғизистон Миллий хавфсизлик давлат қўмитаси раиси Қамчибек Ташиев Манас шаҳар ҳокими Эрнисбек Ўрмоқов ва шаҳар кенгаши раисини калтаклагани аниқ бўлди.
Ўрмоқовнинг сўзларига кўра, ушбу воқеа шаҳар ривожи учун ажратилган маблағларнинг тақсимоти юзасидан келиб чиққан келишмовчиликдан кейин содир бўлган.
Ҳоким бу ҳолатни тасдиқлар экан, “Ташиев қатъий раҳбар, у ҳалол ишлайди. Биз хато қилган бўлсак керак”, дея изоҳ берди.
Аввалроқ Ташиев ўзи ҳам шаҳар раҳбарларини “калтаклаганини” омма олдида тан олган ва “агар яна такрорланса, қамоққа тушиши мумкин эди”, дея таҳдид қилган.
