Маълум бўлишича, 2026 йил 7 апрель куни Турсунбаев Суннатулла Турабай ўғли Яшнобод туманида жойлашган хонадонлардан бирида фуқаро Норинова Севара Фахриддиновнага нисбатан тегажоғлик қилган. У аёлнинг танасининг турли қисмларидан ушлаб, шаҳвоний хусусиятга эга ҳаракатларни амалга оширган.
Суд мажлисида ҳуқуқбузар айбини қисман тан олган ва бундай ҳолатни бошқа такрорламаслигини билдирган. Жабрланувчи эса унга нисбатан қонуний чора кўришни сўраган.
Суд иш материалларини ўрганиб, гувоҳлар кўрсатмалари ҳамда бошқа далиллар асосида мазкур ҳаракатлар Ўзбекистон Республикаси Маъмурий жавобгарлик тўғрисидаги кодексининг 41¹-моддаси 1-қисми билан тўғри квалификация қилинганини қайд этди.
Қарорга кўра, Турсунбаев Суннатулла Турабай ўғлига нисбатан 3 сутка маъмурий қамоқ жазоси тайинланди.
