12 октябрь куни соат 21:35 атрофида Фарғона вилояти Олтиариқ туманидаги “Фарғона ҳалқаси” автомобиль йўлида йўл-транспорт ҳодисаси содир бўлди. Бу ҳақда Фарғона вилояти ИИБ ЖХХ Йўл ҳаракати хавфсизлиги бошқармаси ахборот хизмати маълум қилди.
Қайд этилишича, 2004 йилда туғилган ҳайдовчи Locetti-2 машинасида ҳаракатланаётиб, бошқа бир Locetti-2 ни қувиб ўтмоқчи бўлган. Бироқ у бошқарувни йўқотиб, ЙТҲ содир этган.
Тўқнашув натижасида ҳайдовчи У.Б. бошқарган автомобилда ёнғин чиққан. Ёнғин қисқа фурсатда ФВБ ходимлари томонидан бартараф этилди.
Расман маълум қилинишича, ҳодисада ҳеч ким тан жароҳати олмаган. Ҳолат юзасидан терговга қадар суриштирув ишлари олиб борилмоқда.
