Бироз аввал Тошкентдаги коллежда аёвсиз калтакланган ногирон йигит ҳақида хабар берган эдик. Ҳолат юзасидан Ижтимоий ҳимоя миллий агентлиги расмий муносабат билдирди.
Агентликнинг расмий саҳифаларида ижтимоий тармоқларда ногиронлиги бўлган бола калтаклангани акс этган видеолавҳа тарқалгани ҳамда ушбу ҳолат ижтимоий тармоқларда кенг муҳокамаларга сабаб бўлгани айтилган.
Мазкур воқеани ҳар томонлама ва холисона ўрганиш мақсадида Ижтимоий ҳимоя миллий агентлиги томонидан ишчи гуруҳ тузилиб, ишчи гуруҳ воқеа жойига чиқиб, воқеанинг келиб чиқиш сабаблари ва тафсилотларини батафсил ўрганмоқда.
Шунингдек, улар воқеа бўйича қўшимча маълумот ва расмий хулосалар жамоатчиликка тақдим этилишини ҳам айтиб ўтган.
