Ёшларни нафақат замон билан ҳамнафас қилиш балки замонавий касбларни ҳам ўргатиш керак. Шунинг учун ҳам 2026 йил ёшларни замонавий касб-ҳунарга ўргатиш йили бўлиши қайд этилган. Бу ҳақда давлат раҳбари матбуот хизмати хабар берди.
Маълум қилинишича, иқтисодиётимизга йилига 30-35 миллиард доллар инвестиция, янги йўналишлар, замонавий технологиялар кириб келяпти, минглаб корхоналар ишга тушяпти. Шунинг ўзидан йилига 250-300 минг атрофида юқори даромадли иш ўринлари пайдо бўляпти.
“Биз ёшларимизни нафақат замон билан ҳамнафас, балки келажакка тайёр қилиб тарбиялашимиз керак. Ҳеч қачон унутмайлик, келажак – замонавий билимлар билан қуролланган янги касб эгалариники бўлади”, — дейди давлат раҳбари.
Бу жойлар, энг аввало, ёшларимиз ишли бўлиши учун қўшимча имконият. Лекин улар замонавий технология ва хорижий тилларни билиши, касбий кўникма ва малакага эга бўлиши зарурлиги таъкидланди.
2026 йил ёшларни замонавий касб-ҳунарга ўргатиш йили бўлиши қайд этилган.
Шу мақсадда Касбий таълим агентлиги ташкил қилинмоқда. Ушбу агентлик ва ҳокимларнинг асосий вазифаси барча 598 та техникумга янги муҳит олиб кириш ва халқаро стандартларни жорий қилишдан иборат бўлади.
