Энди халқаро сертификатлар мактабдаги якуний имтиҳонларда ҳам тан олинади. Бу ҳақда Президент матбуот котиби хабар берди.
Билдирилишича, 2016 йилгача жами 2 минг нафар мактаб ўқувчиси сертификат олган эди. Ўтган йили биргина хорижий тилларнинг ўзидан 150 минг ёшларимиз халқаро сертификатга эга бўлган.
Энди бундай сертификатлар мактабдаги якуний имтиҳонларда ҳам тан олиниши айтилган.
Бугунги тадбирда Буюк Британиянинг Рединг олийгоҳини битириб, катта-катта идоралардан бўлган таклифларни рад этиб, Ромитаннинг энг чекка қишлоғидаги мактабда инглиз тилидан дарс бераётган Биллура Икрамова ҳам қатнашмоқда.
"Энг катта ниятим, мақсадим – таълим ва яна бир бор таълимга эътибор бериб, бундай истеъдодли ва фидойи ёш ўқитувчиларимиз сафини кенгайтириш. Бунинг учун ҳар қандай шароитларни яратиб беришга тайёрман”, —дейди Президент.
