Бош консулхонанинг хабар беришича, жорий йилнинг 9 август куни Болгариянинг Созопол шаҳридаги Каваците соҳилида чўкаётган украиналик қизни қутқаришга уриниш чоғида ҳалок бўлган 22 ёшли Ўзбекистон Республикаси фуқароси Ж.М.нинг жасади Болгария Республикаси Фавқулодда вазиятлар вазирлигининг қутқарув хизматлари томонидан сув остидаги йирик қоятошлар орасидан олиб чиқилган.
Ҳозирда Ўзбекистон Республикасининг Истанбул шаҳридаги Бош консулхонаси Болгариядаги Фахрий консуллик билан ҳамкорликда марҳумнинг жасадини Ўзбекистонга қайтариш бўйича зарур чора-тадбирларни кўрмоқда.
Фурсатдан фойдаланиб, Бош консулхона марҳумнинг оила аъзолари ва яқинларига яна бир бор чуқур ҳамдардлик билдиради, дейилади хабарда.
