Оҳангаронда уч қиз сув омборига бориб чўкиб кетди. Улардан 2 нафар ўлган, 1 нафари эса қутқариб қолинган. Бу ҳақда Бош прокурор матбуот котиби Ҳаёт Шамсутдинов Darakchi.uz'га хабар берди.
Билдирилишича, Ангрен шаҳрида яшовчи қизлар Оҳангаронда яшовчи дугонасининг уйига меҳмонга келган. Мезбон қиз дугоналарини Оҳангарон сув омбори ҳудудига сайрга олиб борган. Улар сувнинг қирғоқ қисмига тушишган. Аммо сув ости қумлиги туфайли қайтиб чиқа олишмаган. Бир-бирини қутқариш мақсадида қилган ҳаракатлари иш бермасдан, қизларнинг икки нафари чўкиб кетган.
Воқеа 28 июль куни содир бўлган. Ўша куни соат 14:20 ларда Оҳангарон туман ИИБ Навбатчилик қисмига Оҳангарон сув омборининг қирғоқ қисмида чўмилаётган қизлар сувдан қайтиб чиқмасдан, бедарак йўқолгани ҳақида хабар келиб тушган. Булар Ангрен шаҳрида яшовчи 2006 йилда туғилган Д.П., 2009 йилда туғилган Д.А. ва Оҳангарон туманида яшовчи, 2006 йилда туғилган Н.Э. бўлган. 2 нафар қиз чўкиб ўлган, 1 нафари эса қутқариб қолинган.
ФВВ Оҳангарон туман бўлими ходимлари олиб борган қидирув ишлари давомида Д.П.нинг мурдаси 28 июль куни соат 20:00 ларда, Н.Э.нинг мурдаси эса 29 июль куни эрталаб топилган. Ўлим сабабларини аниқлаш учун судга оид тиббий экспертизалар тайинланган.
Ҳозирда ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
