Кеча, 5 август куни соат 22:20 да Қашқадарё вилояти Кўкдала туманидаги автомобилларга газ қуйиш шохобчасида ёқилғи қуйиш пайтида автосистерна чақнади. Натижада ёнғин келиб чиқди.
Маълум бўлишича, 5 та ёнғин-қутқарув экипажи соат 22:22 да воқеа жойига етиб борган ва ёнғинни 22:50 да тўлиқ ўчирган.
Ҳодиса оқибатида 1 автосистерна ва 10 куб метрлик пропан сақлаш резервуари зарарланган. Цистерна ҳайдовчиси енгил куйиш тан жароҳати олган.
Ҳозирда ҳодисанинг сабаблари ўрганилмоқда. Вилоят ва туман ФВБ раҳбарлари воқеа жойига етиб борган.
