Трамп Украинада ўт очишни тўхтатиш учун Россияга берилган 50 кунлик муддатни қисқартириш ниятида эканини айтди. Бу ҳақда АҚШ президенти Буюк Британия бош вазири Кир Стармер билан учрашув чоғида айтиб маълум қилди.
"Президент Путиндан ҳафсалам пир бўлди. Мен унга берган 50 кунлик муҳлатни қисқартираман, чунки менимча, ушбу муддат якунланганидан сўнг нима бўлишини биламан", — деди Трамп.
Қўшма Штатлар етакчиси, шунингдек, Россия президенти билан бир неча бор гаплашганини, бироқ шундан кейин ҳам рус ракеталари Киевга зарба беришда давом этганини таъкидлади.
