Тошкент шаҳар ИИББ Жамоат тартибини сақлаш бошқармасининг патруль-пост хизмати инспектори ҳайдовчилик гувоҳномасини олиб бериш эвазига пора олаётган вақтида қўлга олинди. Бу ҳақда ДХХ Darakchi.uz хабар берди.
У, хизмат мавқеидан фойдаланиб, фуқаронинг ишончига кирган ва унинг Навои вилоятида яшовчи танишини давлат имтиҳонидан ўтказиб, гувоҳнома олиб беришини ваъда қилган.
Тезкор тадбир Тошкент шаҳар ДХХ бошқармаси ҳамда Бош прокуратура ҳузуридаги Департамент ходимлари ҳамкорлигида Юнусобод туманида ўтказилган тезкор тадбирда у 1500 доллар ва кириш имтиҳони учун сўралган 1 млн 900 минг сўмни олаётган пайтда ашёвий далиллар билан ушланган.
Ҳолат юзасидан унга нисбатан Жиноят кодексининг 168-моддаси (фирибгарлик) ва 211-моддаси (пора олиш) билан жиноят иши қўзғатилди. Суд томонидан унга нисбатан қамоқ эҳтиёт чораси қўлланилди.
Ҳозирда тергов ҳаракатлари давом этмоқда.
