АҚШ президенти Дональд Трамп мамлакат ҳарбийлари Эрондаги учта ядровий объект — Фордо, Натанз ва Исфаҳонга ҳаво ҳужуми уюштирганини айтди.
"Ўқ-дориларнинг тўлиқ тўплами асосий ҳудуд— Фордога ташланди. Биз Эроннинг учта ядровий объектига жуда муваффақиятли зарбалар беришни якунладик. Шонли америкалик жангчиларимизни табриклаймиз. Дунёда буни уддалай оладиган бошқа ҳарбий йўқ", — деб ёзди Трамп Truth Social ижтимоий тармоғида.
Шунингдек, у АҚШ самолётлари Эрон ҳаво ҳудудини аллақачон тарк этгани ва базаларига қайтаётганини таъкидлади. "Энди тинчлик вақти", дея қўшимча қилди у.
Эрон энди урушни тугатишга рози бўлиши керак, дейди Трамп.
