“Тhe Wall Street Journal” манбаларига кўра, 6 июнь куни АҚШ витсе-президенти Жей Ди Венс ва Оқ уй аппарати раҳбари Сюзи Уайлс Илон Маск билан боғланиб, президент Доналд Трамп билан очиқ ижтимоий можарони тугатишга чақирган.
Ушбу мурожаатдан бир кун аввал Маск ва Трамп ўртасида ижтимоий тармоқларда очиқ баҳс юз берганди. Маск Республикачилар партияси томонидан илгари сурилган, бюджет танқислигини ошириши мумкин бўлган солиқ имтиёзлари қонун лойиҳасини кескин танқид қилгач, Трамп ҳам жавобан унга ҳужум қилди.
Баҳс чоғида Маск Трамп номи Жеффри Эпстейн ишида тилга олинганини ҳам эслатди, бироқ кейинчалик ушбу постни изоҳсиз ўчириб ташлаган.
10 июнь куни эса Маск омма олдида кечирим сўраб, “президентга нисбатан ёзилган айрим постларидан афсусдалигини” билдирган.
