Президентимизнинг тегишли фармони билан Тошкент давлат педагогика университети негизида Низомий номидаги Ўзбекистон миллий педагогика университети ташкил этилди.
Университетда 2025-2026-ўқув йилида хорижий таълим дастурлари асосида аниқ фанлар мактаби ташкил этилиб, унда Математика, Ахборот технологиялари ҳамда Сунъий интеллект ва робототехника йўналишларида 400 нафар талаба қабул қилиниши кўзда тутилган.
Аниқ фанлар мактабида ҳисоб (cалcулус), дастурлаш, физика, чизиқли алгебра, дискрит математика, маълумотлар тузилмалари ва алгоритмлар, сунъий интеллект ва робототехника, инглиз тили фанларидан дарс берувчи профессор-ўқитувчилар танлаб олиниб, Кембриж университетида малака оширишлари мақсад қилинган.
Курс якуни бўйича Кембриж университетининг малака сертификатига эга бўлган профессор-ўқитувчилар 2025-2026-ўқув йилидан Низомий номидаги Ўзбекистон миллий педагогика университетида иш фаолиятини бошлайди.
Танловда иштирок этувчи профессор-ўқитувчиларга қўйиладиган бирламчи талаблар:
– фан номзоди (ПҳД) ёки фан доктори (ДСc) га эга бўлиши;
– 5 йил ва ундан ортиқ педагогик иш стажига эгалиги;
– инглиз тилини Б2 даражада билиши (тил билиш сертификати);
– Сcопус, веб оф сcиенcе халқаро илмий журналлари ҳамда юқори индексга эга илмий журналларда мақолалар чоп этганлиги;
– ўз фани йўналишида турли грант ва лойиҳалардаги иштироки.
Танлов 3 босқичда амалга оширилади. Иштирок этиш учун талаб этиладиган ҳужжат ва маълумотларни tanlov.uzedu.uz ҳавола орқали юборишингиз мумкин.
