Кеча, 18 май куни пойтахт Тошкентнинг Сергели туманида қуруқ ўт ёниб кетди. Бу ҳақда ФВВ матбуот хизмати маълум қилди.
Қайд этилишича, воқеа соат 16:58 да тумандаги Хонабодтепа кўчасининг 35-уй орқасида юз берган.
Шунга кўра, ёнғин-қутқарув экипажлари соат 17:05 да воқеа жойига етиб бориб, ёнғин 18:49 да ўчирилган.
Аниқланишича, ёнғин оқибатида очиқ майдонда, қуруқ ўт ва қамиш ёнган. Хонадонларга зарар етмаган. Ҳодиса оқибатида ҳеч ким зарар кўрмаган.
Эслатиб ўтамиз, аввалроқ Тошкент шаҳрининг Сергели туманида омборхона ёниб кетган эди.
