Ижтимоий тармоқларда мактаб директори ўқувчиларни барчани олдида калтаклаганлиги акс этган видеоёзув тарқалган эди. Мазкур ҳолат юзасидан Болалар омбудсмани муносабат билдирди.
Аниқланишича, жорий йилнинг 25 февраль куни Навоий вилояти Хатирчи туманидаги мактаб директори 10-синф ўқувчилари Н.Т, А.А ларни гўёки тартибга чақириш важи билан калтаклаб, ўқувчилар танасининг турли қисмларини муштлаб, оёқлари билан тепиб дўппослаган.
“Ҳозирда ҳолат юзасидан терговга қадар текширув ҳаракатлари олиб борилмоқда”,—дейилади хабарда.
Шунингдек, ўқувчиларга етказилган тан жароҳати бўйича судга оид тиббий экспертиза тайинлангани қўшимча қилинган.
